"Algjörlega frábært í alla staði"

„Algjörlega frábært í alla staði“ er skoðun teflenda á Verkísmótinu í skák.

Tala Kasparovs réði ríkjum, en mætt voru til leiks 13 lið.

Eins og búist var við var mótið mjög jafnt og spennandi, en lið Hafgæða sf. þótti fyrir mótið sigurstranglegt.

Svo fór að lokum að lið aðal styrktaraðilans Verkís fór með sigur af hólmi eftir æsispennandi lokaumferð, þar sem að úrslitin réðust í einni af síðustu skákunum.

Fáir höfðu reiknað með sigri Verkís, en þó var ljóst að erfitt yrði að segja fyrir um úrslitin. Þó var hægt að ganga útfrá því sem vísu að andinn og stemmingin í liði Verkís yrði mjög góð.  

Lið Hafgæða með landsliðsmanninn Hjörvar Stein Grétarsson varð í öðru sæti. Bæði Verkís og Hafgæði fengu flug til Evrópu fram og til baka með Iceland Express með öllum sköttum og gjöldum inniföldum.

 Bronsið vann eftir harða baráttu stelpnasveit Sláturfélags Suðurlands, en allir liðsmenn hennar voru fyrrum Íslandsmeistarar kvenna, þær Guðlaug Þorsteinsdóttir, Guðfríður Lilja Grétarsdóttir, Harpa Ingólfsdóttir, Ingibjörg Edda Birgisdóttir og Áslaug Kristjánsdóttir. Þær munu allar fara út að borða saman á Skrúð á Hótel Sögu og geta auk þess boðið einnri heppnri eða heppnum með sér. Verður þar sannkallað kvennalandsliðsreunion á ferð.

Stemmingin var einstaklega góð, einbeitingin mikil og fólki leið auðsýnileg vel.

Hlutfall skákáhugamanna, sem að ekki höfðu áður teflt opinberlega sló öll met. Það er þó ljóst að hægt er að verða mjög öflugur skákmaður án þess að þreyta nokkurn tíman keppni á opinberum vettvangi, en leynivopn sigurvegarans Verkís voru tveir ótrúlega sterkir stigalausir skákáhugamenn, þeir Kristján Már Sigurjónsson og Pálmi Ragnar Pálmason.

Tvö lið frá Íslandsbanka settu skemmtilegan svip á mótið, en þar voru alls fjórir stigalausir. Mótið spannaði annars alla skákflóruna og hefur einkunarorð FIDE gens una sumus sjaldan eða aldrei verið jafn vel uppfyllt á skákmóti.

Hjörvar vann eins og við mátti búast 100 þús. kr. GSM símann frá Símanum. Þar sem hver keppandi mátti einungis vinna ein verðlaun kom sér það vel fyrir Davíð Kjartansson, því að hann hlaut flug með Iceland Express.

Óvæntustu úrslitin - miðað er við stigamun:
1. verðlaun: Ljósmyndabókin frá Sögum útgáfu og geisladiskur frá 12 tónum,
2.-3. verðlaun: Geisladiskur frá 12 tónum

Karl Thorodddsen (1.000) Íslandsbanki b-sveit

Erlingur Þór Tryggvason (1.000) Íslandsbanki b-sveit

Ingibjörg Edda (1.564) Stelpusveit SS

- fyrir þátttökuliðið sem að kemur mest á óvart m.v. fyrirfram styrkleika:
1.-2. verðlaun: Ljósmyndabókin frá Sögum útgáfu fyrir 3 liðsmenn!

3. verðlaun: geisladiskur frá 12 tónum fyrir 3 liðsmenn!

Rimaskóli

Íslandsbanki b-sveit

Íslandsbanki a-sveit

- snjallasti liðsstjórinn:
1.-3. verðlaun: Ljósmyndabókin Hús eru aldrei ein eða Eyjafjallajökull frá Uppheimum.

Ingólfur Margeir Hugsmiðjunni

Kristán Halldórsson Símanum

- Flottasti liðsbúningurinn: Ljósmyndabókin frá Sögum útgáfu fyrir 3 liðsmenn!

Víkingasveitin

- Einnig Headphones og minnislyklar frá Nýherja:

Íslandsbanki b-sveit

Eimskip

Síminn

Hugsmiðjan

Einstaklingsverðlaun:
1. verðlaun: GSM snjallsími, að verðmæti kr. 100.000, frá Símanum.

Hjörvar Steinn Grétarsson Hafgæði sf.
2. verðlaun: Út að borða fyrir tvo á veitingastaðnum Vox. Ljósmyndabókin frá Sögum útgáfu og geisladiskur frá 12 tónum.

Guðmundur Magnús Daðason Íslandsbanki a-sveit
3.-5.verðlaun: Ljósmyndabókin frá Sögum útgáfu og geisladiskur frá 12 tónum

Jón Árni Jónsson Morgunblaðið

Baldur A Kristinsson Morgunblaðið

Guðlaug Þorsteinsdóttir Stelpusveit SS

 

Liðaverðlaun:

1.verðlaun: Flug til Evrópu með Iceland Express fyrir 3 liðsmenn – öll gjöld innifalin ásamt Ljósmyndabókinni frá Sögum útgáfu fyrir 3 liðsmenn!

Verkís
2. verðlaun: Flug til Evrópu með Iceland Express fyrir 3 liðsmenn – öll gjöld innifalin!

Hafgæði sf.
3. verðlaun: Út að borða fyrir tvo á veitingastaðnum Skrúði – 3 gjafabréf. Ljósmyndabókin frá Sögum útgáfu og geisladiskur frá 12 tónum fyrir 3 liðsmenn!

Stelpusveit SS

 

Sjá nánar: http://chess-results.com/tnr72440.aspx?art=0&rd=7&lan=1&turdet=YES

 

Ljósmyndir sem að Helgi Árnason tók: http://www.skak.blog.is/album/verkis_2012/

Allir þátttakendur voru mjög ánægðir með upplifunina og báðu mótshaldara að halda mótið að ári.

Gens una sumus!

Það er óhætt að segja að mótið uppfylli einstaklega vel einkunnarorð Alþjóðaskáksambandsins FIDE "Gens una sumus" eða við erum öll ein fjölskylda.

Íslandsbanki er með tvö lið í mótinu:

Íslandsbanki A
1. Borð Guðmundur Magnús Daðason, gjaldeyrismiðlun
2. Borð Gunnar Gunnarsson, áhættustýringu
3. Borð Jón Sigurður Þórarinsson, áhættustýringu

Íslandsbanki B
1. Borð Björn Hákonarson, verðbréfamiðlun
2. Borð Karl Thoroddsen, verktaki (viðskiptalausnum)
3. Borð Erlingur Þór Tryggvason, lánastjóri

Guðmundur er formaður fjórfaldra Íslandsmeistara Taflfélags Bolungarvíkur og var mjög virkur skákmaður á sínum yngri árum. Undanfarin 15 ár hefur hann þó nánast ekkert teflt á skákmótum nema í Íslandsmóti skákfélaga. Gunnar Gunnarsson er doktor í stærðfræði og liðsmaður Hauka. Hann er ákaflega slyngur kotruspilara og státar af Íslandsmeistaratitli á þeim vettvangi. Eina reynsla Jóns af skákmótum eru Reykjavíkurmót grunnskólanna um miðjan tíunda áratug síðustu aldar. Jón sigraði Björn í slag um sæti í A liðinu eftir mikla baráttu, spennu og dramatík.
Björn Hákonarson tók þátt í nokkrum skákmótum á sínum yngri árum og hefur stöku sinnum teflt á netinu. Karl er einn af fjölmörgum Íslendingum sem eru óvirkir skákáhugamenn. Hann hefur þó teflt nokkrum sinnum um ævina. Erlingur Þór er eini starfsmaður Íslandsbanka sem státar af Íslandsmeistaratitli grunnskóla, með Réttarholtsskóla. Hann hætti á toppnum en lét til leiðast að spreyta sig á ný.

Liðin eru ákaflega samstillt og koma fram sem ein heild. Góður mórall ríkir innan beggja liðanna og á milli þeirra. Því hefur verið ákveðið að fái liðið liðsstjóraverðlaun verða þau varðveitt á kaffistofu Íslandsbanka gestum og gangandi til lífs- og yndisauka.

Víkingaklúbburinn er mættur til leiks. Víkingarnir eru harðsvírað lið, með FIDE meistarann Davíð Kjartansson (2.286) í broddi fylkingar. Davíð er verkefnisstjóri fræðslu hjá Reykjavíkurborg og eru Víkingarnir því á heimavelli í Ráðhúsinu. Davíð er á mikilli siglingu þessa dagana, en hann varð í fimmta sæti í nýafstöðnum landsliðsflokki. Gunnar Freyr Rúnarsson (1.963) fylgir í kjölfar Davíðs á öðru borði. Gunnar Freyr er rammur af afli, enda hefur hann æft kraftlyftingar. Gunnar býr þó ekki bara yfir krafti heldur líka snerpu eins og Íslandsmeistaratitill í flokki skákmanna undir 2000 stigum í hraðskák 2011 sannar. Sannur Víkingur þar á ferð! Ungstirnið Jóhannes Kári Sólmundarson (1.246) fullkomnar þríeykið, en Jóhannes Kári er núverandi Reykjavíkurmeistari með sveit Laugalækjaskóla.

Lokayfirlit yfir liðin

Gunnar Örn Haraldsson er þriðji maðurinn í liði Eimskipa. Hann starfaði yfir 20 ár sem skipstjóri hjá Eimskip, en er nú sestur í helgan stein. Það eru fallegir endurfundir í liði Eimskipa

Lið RARIK og SS verða skipuð skemmtilegum skákmönnum. Þau munu ekki gera tilkall til einstaklingsverðlauna, en vafalaust hafa gaman af mótinu.

Það er spennandi að sjá hvað gerist á síðustu metrunum. Munu Hjörvar og Davíð fá að kljást um 100 þús. kr. GSM símann? Ef að lið þess sem að vinnur einstaklingskeppnina vinnur, þá er flug í boði fyrir sæti nr. 2 og frábærir vinningar fyrir sæti nr. 3. Mun sterkur skákmaður blanda sér óvænt í þessa baráttu?
Það er til mikils að vinna, en auðvitað ánægjan sem að er framar öllu!

Gens una sumus!

Eitt lítið skákmót fer fram í dag

Verkís mótið hefst kl: 16 í dag í Tjarnarsal Ráðhússins. 

Á vefsíðunni:
http://chess-results.com/tnr72440.aspx?art=32&lan=1&turdet=YES
Er hægt að fylgjast með skráningu í Fjölnismótinu. Við hvetjum sem flesta að mæta í Ráðhúsið, en einnig verður hægt að fylgjast með genginu í mótinu í beinni á þessari síðu.

Lið eru hvött til að senda inn loka liðskipan fyrir kl: 12 í dag. Loka liðsskipan þarf að hafa borist mótinu í síðasta lagi kl: 15:30. Þá rennur einnig út skráningarfrestur. Við beinum þó þeim tilmælum til liða að skrá sig sem allra fyrst þ.a. hægt sé að slá liðsmenn inn í tölvuna.

Athygli er vakin á því að fyrirtæki sem að vill senda tvenn lið í keppnina greiðir einungis 30 þús. kr. fyrir seinna liðið.

Lið eru hvött til að mæta tímanlega í Ráðhúsið, helst kl. 15:45.
Tefldar verða sjö umferðir með tíu mínútna umhugsunartíma. Fríar veitingar eru í boði og verður gert hlé á taflmennsku eftir fjórar umferðir.

Notast er við Swiss Manager forritið til að ákveða pörun og einnig sjálfvirkt aðalverðlaunin bæði í liða- sem og einstaklingskeppni.

Fyrir fyrstu umferðina mun forritið ákveða töfluröðina með slembi-aðferð.
Verðlaun (sjá nánar http://firmakeppnin.blog.is/blog/firmakeppnin/entry/1237817/?preview=1):

a) Liðsverðlaun - verða eftir vinningafjölda og ef lið verða jöfn að vinningum þá gilda hin svokölluðu liðsstig (e. match points), en lið fær tvö slík fyrir sigur í viðureign og eitt fyrir jafntefli. Ef enn er jafnt þá gilda innbyrðis viðueignir.
b) Einstaklingsverðlaun - eru miðuð við árangur (e. performance) samkvæmt íslenskum stigum, með austurísku afbrigði til að koma í veg fyrir óeðlilega 100% árangurs útkomu.

Treyst verður á mannlegt innsæi við að ákveða önnur verðlaun, sérstaklega liðsbúningsverðlaunin.

Athygli er vakin á því að hver keppandi getur einungis hlotið ein verðlaun. Ef að 1. verðlaun í bæði mótinu og einstaklingskeppni vinnast, þá þarf að velja á milli GSM símans og flugsins. Flugið fer þá í 2. verðlaun í einstaklingskeppninni. Útfærist nánar á skákstað.

Athygli er vakin á því að verðlaunum kann að fjölga og eða þau verða enn veglegri.

Sjáumst í Ráðhúsinu í dag tímanlega ef hægt er kl: 15:45!

Kynning á öllum skráðum liðum og spá hver hlýtur verðlaunin

Það stefnir í góða þátttöku og æsispennandi keppni í Ráðhúsinu kl: 16 á morgun miðvikudag.

Enn er hægt að skrá lið í keppnina. Fyrirtæki geta einnig nýtt þann möguleika að fá svokallað lánslið, en þá er sett saman lið sem að teflir í nafni fyrirtækisins. 

Barist er um óvenju vegleg verðlaun, sennilega næst bestu verðlaun í skákmóti hér á landi á eftir Reykjavíkurskákmótinu, m.a. flug báðar leiðir með öllum sköttum og gjöldum með Iceland Express, 100 þús. kr. GSM síma og út að borða á fínustu veitingastöðum bæjarins og ótal margt fleira. Verðlaunin spanna mikla breidd, en m.a. eru veitt verðlaun fyrir bestu frammistöðu liða miðað við styrkleika, bestu frammistöðu einstaklings, besta liðstjórann, óvæntustu úrslitin o.fl.

Hér á eftir verður farið stuttlega yfir liðin sem að þegar hafa tilkynnt þátttöku.

1.      Eimskip – Lið Eimskipa er skipað tveimur starfsmönnum og svo starfsmanni eða einum lánsmanni sem að tengdur er fyrirtækinu. Jóhann Helgi Sigurðsson (1.993) forstöðumaður framleiðslustýringar leiðir lið Eimskipa. Ingvar Örn Birgisson (1.767) bílstjóri teflir á öðru borði. Ekki hefur fengist endanlega staðfest hver teflir á þriðja borði, en fréttir herma að Eimskip sé ekki með hugann við að komast sem næst stigaþakinu, heldur hafa starfsmenn og fólk sem að tengt er fyrirtækinu í liðinu.

2.      Síminn – Lið Símans skipa Kristján Halldórsson deildarstjóri (1.795), Vignir Bjarnason fjarskiptaverkfræðingur (1.823), Brynjólfur Bragason (stigalaus) deildarstjóri Internetþjónustu og Sigþór Björgvinsson (stigalaus). Sveit Símans er eingöngu skipuð starfsmönnum. Hún er samtals með 4.618 stig og því nokkuð frá 5.500 stiga þakinu. Að sögn Símamanna er ætlunin að hafa gaman af taflmennsku í mótinu.

3.      Hafgæði sf. – Landsliðsmaðurinn Hjörvar Stein Grétarsson (2.417) leiðir lið Hafgæða sf. Hjörvar er 60 stigum hærri á alþjóðlega stigalistanum en þeim íslenska. Patrekur Maron Magnússon (1.950) félagi Hjörvars úr Versló teflir á öðru borði. Ólafur Þór Ólafsson (stigalaus) teflir á þriðja borði. Ólafur er starfsmaður Hafgæða sf., en Hjörvar og Patrekur eru svokallaðir lánsmenn. Ólafur hefur teflt á netinu, en er að tefla í sínu fyrsta opinbera skákmóti. Það verður spennandi að fylgjast með þessari sveit.

4.      Morgunblaðið – teflir eingöngu fram starfsmönnum. Sveitina skipta þeir Jóni Árna Jónsson (2.051), Baldur A. Kristinsson (2.047), Pétur Blöndal (1.270) og Ómar Óskarsson (stigalaus). Sveitin er samtals með 5368 stig og því nær stigaþakinu en sveit Símans.

Jón Árni er íslenskugúru að norðan og teflir með Mátum.

Baldur var mjög virkur skákmaður áður fyrr, en hefur látið sér nægja að tefla á Íslandsmóti Skákfélaga í seinni tið. Baldur hefur reynst skákmönnum betur en margur veit, en hann sér um tæknimálin á blog.is vefjunum, þar með talið fréttavef Skáksambandsins, sem að er á Moggablogginu.

Pétur þekkja skákáhugamenn vel, enda er hann duglegur að skrifa um skák. Hann hefur aðeins einu sinni tekið þátt í opinberu skákmóti.

Ómar er stigalaus og er eftir því sem næst verður komist að tefla á sínu fyrsta skákmóti, en Ómar hefur tekið ófáar ljósmyndir af skákmeisturum.

5.      Íslandsbanki – Íslandsbanki teflir eingöngu fram starfsmönnum. Lið Íslandsbanka skipa þeir Guðmundur Magnús Daðason (1.974), en hann er jafnframt liðsstjóri, Gunnar Gunnarsson (1.780), Björn Hákonarson (stigalaus) og Jón Sigurður Þórðarson (stigalaus). Guðmundur er ákaflega slyngur liðsstjóri, en hann hefur stýrt sveit Bolvíkinga til sigurs á Íslandsmóti Skákfélaga þrjú síðustu árin.

6.   Hugsmiðjan – Sveit Hugsmiðjunnar er eingöngu skipuð starfsmönnum. Enginn þeirra er í hópi svokallaðra stigamanna. Lið Hugsmiðjunnar skipa þeir Margeir Steinar Ingólfsson ráðgjafi, en hann er jafnframt liðsstjóri, Steinn Arnar Jónsson þróunarstjóri hugbúnaðargerðar og Jón Frímannsson. Það er ánægjulegt að sjá sveit Hugsmiðjunnar í mótinu.

7.      Verkís – Verkís er með sveit.

8.      Rimaskóli – Rimaskóli er með sveit í mótinu.

9.      RARIK – RARIK er með sveit í mótinu. Ekki er endanlega komið á hreint hvernig hún er skipuð.

10.   SS – SS er einnig með sveit, sem að enn er verið að vinna í að skipa.

11.   Fjölnir – Fjölnir verður með lið í mótinu skipað ungum skákmönnum.

12.   Íslandsbanki er að safna saman í lið nr. 2 sem að yrði eingöngu skipað stigalausum, ekki 100% staðfest.

13.   Reykjavíkurborg – verið að vinna að því að senda inn lið, en ekki enn 100% staðfest.

14.   Þitt lið?

Hver vinnur verðlaunin, sjá http://www.firmakeppnin.blog.is/blog/firmakeppnin/entry/1237817/ ?

Stigaþakið gerir keppnina um aðalverðlaun mótsins óvenju spennandi. Erfitt er að segja fyrir um hvaða tvö lið fara heim með flug til Evrópu fram og til baka með öllum gjöldum inniföldum með Iceland Express.

Einstaklingsverðlaun, þessi verðlaun eru mjög vegleg og setja mótið ekki langt frá Landsbankahraðskákmótinu. Segja má að það sé mót í mótinu.

Hér lítur út fyrir að landsliðs- og Hafgæða maðurinn Hjörvar Steinn Grétarsson muni nánast geta labbað strax út með 100 þús. kr. GSM síma. Önnur verðlaun í þessum flokki eru einnig mjög vegleg og ómöglegt að segja hver hlýtur þau. Þá eru hin þrjú verðlaunin einnig vegleg og mjög spennandi að sjá hverjir hljóta þau. Héðinn er innan raða Fjölnis. Það ber að taka fram að ef að hann verður með í mótinu, þá mun hann og sveitin sem að hann teflir með ekki geta unnið nein verðlaun.

Sama gildir um óvæntustu úrslit mótsins.

Öll liðin eiga möguleika á að vinna til verðlauna fyrir liði sem að kemur mest á óvart m.v. fyrirfram styrkleika. Stigalaus lið hljóta að hafa sterka stöðu hér.

Snjallasti liðsstjórinn, hér hlýtur Íslandsbankamaðurinn Guðmundur Daðason að vera heitur kandidat, enda hokinn reynslu eftir að hafa stýrt liði Bolvíkinga til sigurs þrjú ár í röð á Íslandsmóti Skákfélaga. Það getur þó allt gerst.

Flottasti liðsbúningurinn, hér láta mótshaldarar koma sér á óvart.

Verkísmótið - kynning á þátttakendum

Það stefnir í óvenju spennandi og skemmtilegt skákmót í Ráðhúsinu á miðvikudaginn kemur kl: 16.

Margir stigalausir skákmenn munu þar tefla sitt jómfrúarskákmót, en aðrir munu taka fram taflið eftir áratuga hlé.

Þá mun vakningin í kringum mótið leiða til þess að skáksett verða sett í kaffistofuna á mörgum fyrirtækjum með það fyrir augum að byggja upp áhuga og verða með að ári.

Í þessum pistli verða tvær sveitanna kynntar, sveit Símans og Morgunblaðsins.

Síminn líkt og Morgunblaðið teflir eingöngu fram eigin starfsmönnum. Sveit Símans skipa þeir Kristján Halldórsson (1.795), Vignir Bjarnason (1.823), Brynjólfur Bragason og Sigþór Björgvinsson. Þeir Kristján og Vignir hafa reynslu af taflmennsku í skákmótum, en Brynjólfur og Sigþór eru stigalausir. Sveit Símans er með samtals 4.618 stig (stigalausir reiknast með 1.000 stig), sem að þýðir að hún er nokkuð undir 5.500 stiga þakinu. Að sögn Símamanna er ætlunin að hafa gaman af taflmennsku í mótinu.

Morgunblaðið teflir fram þeim Jóni Árna Jónssyni (2.051), Baldri A. Kristinssyni (2.047), Pétri Blöndal (1.270) og Ómari Óskarssyni. Sveitin er samtals með 5368 stig og því nær stigaþakinu en sveit Símans.

Jón Árni er íslenskugúru að norðan og teflir með Mátum.

Baldur var mjög virkur skákmaður áður fyrr, en hefur látið sér nægja að tefla á Íslandsmóti Skákfélaga í seinni tið. Baldur hefur reynst skákmönnum betur en margur veit, en hann sér um tæknimálin á blog.is vefjunum, þar með talið fréttavef Skáksambandsins, sem að er á Moggablogginu.

Pétur þekkja skákáhugamenn vel, enda er hann duglegur að skrifa um skák. Hann hefur aðeins einu sinni tekið þátt í opinberu skákmóti.

Ómar er stigalaus, en Ómar hefur tekið ófáar ljósmyndir af skákmeisturum.

Ekki eru öll lið skipuð svonefndum stigamönnum.

Mótið hentar ágætlega skákáhugamönnum og starfsmönnum, sem að vilja upplifa þátttöku í skemmtilegu skákmóti saman.

Besti árangur m.v. styrkleika er m.a. verðlaunaður og er þar hvert lið að keppa við sjálft sig.  

Mótið er skemmtileg viðbót við þau mót sem að haldin eru hér á landi. Það höfðar m.a. til skákáhugamanna, sem að hingað til hafa ekki fundið skákmót við sitt hæfi í mótaflórunni.

Það er skoðun mótshaldara að mikilvægt sé að auka skákáhuga meðal almennings. Ein leið til þess er að efla skákáhuga innan fyrirtækja. Segja má að Verkísmótið hafi þegar náð talsverðum árangri og að eitt lítið skref hafi verið tekið í þá átt að efla skákáhuga í landinu!

Sjáumst sem teflendur eða áhorfendur í Ráðhúsinu á miðvikudaginn kl: 16.

Verkísmótið góð þátttaka, spennandi keppni og einstök verðlaun

Það stefnir í góða þátttöku og spennandi viðureignir í Verkísmótinu í skák á miðvikudaginn kemur kl: 16. Meðal nýrra liða eru sveitir Íslandsbanka og Hafgæði sf., en þar fer landsliðsmaðurinn Hjörvar Steinn Grétarsson fyrir sínum mönnum.

Meðal annarra þátttakenda eru lið Símans, Morgunblaðsins, Eimskips, Icelandic Excursions og Verkís, en alls eru 11 lið skráð.

Mótið hefur vakið eftirtekt og umtal, enda leit að skákmóti með betri verðlaun ef frá er talið sjálft Reykjavíkurskákmótið. Þá eru aðstæður til fyrirmyndar í Tjarnarsal Ráðhússins og fríar veitingar fyrir keppendur.

Til að koma til móts við fjölda fyrirspurna sem að mótshöldurum hefur borist frá skákmönnum, sem að vilja eiga ógleymanlega stund í Ráðhúsinu gefst skákmönnum nú kost á að senda tölvupóst til [e-mail] með hugmynd að þátttökugjaldi og meðlimum sveitar. Fyrirtæki, sem að gjarnan vilja vera með í mótinu, en hafa ekki skákmenn sjálf hafa haft samband og er ætlunin að para þau saman við skákhópa þannig að þau skipti með sér þátttökugjaldinu.

Fyrstir koma fyrstir fá!

Fréttablaðið er með umfjöllun um mótið á forsíðu og miðopnu:

http://visir.is/viljum-koma-til-mots-vid-venjulega-skakahugamenn/article/2012705049913

 

Mogginn:

http://www.mbl.is/frettir/innlent/2012/05/03/skakmot_i_tilefni_afmaelis_einvigis_aldarinnar/

 

Útvarpsviðtal sem að tekið var í beinni á fimmtudagsmorgun þar sem að hugmyndafræði mótsins er útskýrð:

http://vefutvarp.visir.is/upptokur?itemid=11099

 

Vefsíða mótsins: http://www.firmakeppnin.blog.is

Verðlaunin: http://www.firmakeppnin.blog.is/blog/firmakeppnin/entry/1237817/

 

Það ætti enginn að missa af stórkostlegri upplifun á miðvikudaginn kemur og hver veit nema þú farir drekkhlaðinn vinningum útí sólina!

Dagskrá

Firma- og félagakeppni í skák í Ráðhúsi Reykjavíkur

 Vegleg verðlaun í boði

Tími: Kl. 16:00 miðvikudaginn 9. maí 2012

1.-4. umferð       16:10-17:30                                                                                                     5.-7. umferð       18:00-19:00

Dagskrá

Fundarstjóri: Halldór Grétar Einarsson, varaformaður Skáksambands Íslands

Ávarp (3-4 mín.)                                                                                                               Óttarr Proppé, borgarfulltrúi

Setning (3-4 mín)                                                                                                              Helgi Árnason, formaður Skákdeildar Fjölnis

Fyrsti leikurinn                                                                                                                 Sveinn Ingi Ólafsson, framkvæmdastjóri Verkís

Hlé (30 mín.) - Léttar veitingar fyrir þátttakendur: Vatn (frá Icelandic Water Holdings) og samlokur (frá Saffran) 

Verðlaunaafhending  - Kl. 19                                                                                           Guðfríður Lilja Grétarsdóttir, fv. forseti Skáksambands Ísland, og Héðinn Steingrímsson, stórmeistari              

Ávarp  (2-3 min)                                                                                                               Guðfríður Lilja Grétarsdóttir

Lokaávarp (2-3 mín)                                                                                                         Gunnar Björnsson, forseti Skáksambands Íslands

Fjölmiðlaumfjöllun

Fréttablaðið er með umfjöllun um mótið á forsíðu og grein á síðu 20 í blaðinu í dag, sjá einnig vefútgáfuna:

http://visir.is/viljum-koma-til-mots-vid-venjulega-skakahugamenn/article/2012705049913

 

Mogginn birtir fréttatilkynningu um mótið, sem lesa má í vefútgáfunni:

http://www.mbl.is/frettir/innlent/2012/05/03/skakmot_i_tilefni_afmaelis_einvigis_aldarinnar/

 

Útvarpsviðtal sem að tekið var í beinni á fimmtudagsmorgun þar sem að hugmyndafræði mótsins er útskýrð:

http://vefutvarp.visir.is/upptokur?itemid=11099

 

Vefsíða mótsins með nánari upplýsingar m.a. um verðlaun er þessi síða

 

Fésbókarsíða mótsins:

http://www.facebook.com/profile.php?id=100003387882089

Verkís firmamótið í skák

Ágæti skákunnandi!

Skákdeild Fjölnis býður til spennandi Firmamóts í skák, í Tjarnarsal Ráðhússins miðvikudaginn 9.maí kl: 16-19:30.

Hægt er að hlusta á viðtal þar sem að hugmyndin á bak við mótið er skýrð: http://vefutvarp.visir.is/upptokur?itemid=11099
 
Um er að ræða sveitakeppni, þrír í liði ásamt varamönnum. Mótið óvenjulegt að því leiti að það er sniðið að almennum skákáhugamönnum og starfsmönnum fyrirtækja, sem að hingað til hafa látið sér nægja að grípa í tafl á kaffistofunni.

Þáttökugjald er 50 þúsund krónur, en heildarverðlaun mótsins eru varlega áætluð að verðmæti yfir 750 þúsund krónur, sem að gerir mótið eitt það allra veglegasta sem að haldið er hér á landi.

Til að fá sem jafnasta og spennandi keppni er styrkleiki hvers liðs takmarkaður við 5.500 stig.

Til að hvetja stigalausa til að vera með þá eru þeir reiknaðir með aðeins 1000 stig. Borðaröð er föst. 

Fyrirtæki geta líka fengið lánsmann, sem að gæti sett liðið mjög nálægt stigaþakinu ef að þau kjósa svo eða eru í vandræðum með að manna sveit. Einnig er hægt að styrkja mótið með því að senda sveit sem að alfarið er skipuð lánsmönnum sem að tefla þá í nafni fyrirtækisins og félagsins.

Það getur því enginn séð fyrir hvaða lið vinnur mótið og öll lið eiga möguleika!
Það er mjög líklegt að meðal sigurvegaranna leynist skákmenn sem að ekki hafa áður teflt opinberlega!

Það á að vera fyrirhafnarlaust að senda inn lið. Um að gera að láta okkur vita ef að við getum orðið að liði með tölvupósti. Við leysum úr hvers manns vanda!

Aðbúnaður í Tjarnarsal Ráðhússins er eins og best verður á kosið, með m.a. fríum veitingum fyrir keppendur, skák sýnd í beinni á sýningartjaldi, nægu plássi o.s.frv.

Verkís er aðalstyrktaraðili mótsins. Verkís fangar 80 ára afmæli í ár, en verkfræðistofan rekur uppruna sinn til ársins 1932 og er því elsta verkfræðistofa landsins. Verkís er öflugt og framsækið ráðgjafafyrirtæki sem býður fyrsta flokks þjónustu á öllum sviðum verkfræði. Hjá fyrirtækinu starfa yfir 300 starfsmenn að fjölbreyttum verkefnum á Íslandi og erlendis. Verkefnin eru m.a. á sviði bygginga, samgöngumannvirkja, iðnaðar og virkjana, bæði vatnafls og jarðvarma.  Ingibjörg Lilja, kynningarstjóri hjá Verkís segir: "með því að styrkja Firmamótið í skák vonast Verkís til að efla skákíþróttina ekki síst meðal ungu kynslóðarinnar. Skákin krefst útsjónarsemi, skipulagningar, strategíu og þess að hugsa fram í tímann, en allt eru þetta mikilvægir þættir í verkfræði. Við vonumst þannig til að styrkja grunninn hjá hæfileikaríkum verkfræðingum framtíðarinnar."

Einnig er Iceland Express bakhjarl mótsins.

 Verðlaun eru glæsileg, en auk verðlaunagripa og medalía verða eftirtalin verðlaun veitt fyrir efstu þrjú sætin:

1. verðlaun: Flug til Evrópu með Iceland Express fyrir 3 liðsmenn – öll gjöld innifalin ásamt Ljósmyndabókinni frá Sögum útgáfu fyrir 3 liðsmenn!
2. verðlaun: Flug til Evrópu með Iceland Express fyrir 3 liðsmenn – öll gjöld innifalin!
3. verðlaun: Út að borða fyrir tvo á veitingastaðnum Skrúði – 3 gjafabréf. Ljósmyndabókin frá Sögum útgáfu og geisladiskur frá 12 tónum fyrir 3 liðsmenn!

Einnig verða veitt verðlaun:
Einstaklingsverðlaun:
1. verðlaun: GSM snjallsími, að verðmæti kr. 100.000, frá Símanum.
2. verðlaun: Út að borða fyrir tvo á veitingastaðnum Vox. Ljósmyndabókin frá Sögum útgáfu og geisladiskur frá 12 tónum
3.-5.verðlaun: Ljósmyndabókin frá Sögum útgáfu og geisladiskur frá 12 tónum

- Óvæntustu úrslitin - miðað er við stigamun:
1. verðlaun: Ljósmyndabókin frá Sögum útgáfu og geisladiskur frá 12 tónum,
2.-3. verðlaun: Geisladiskur frá 12 tónum

- fyrir þátttökuliðið sem að kemur mest á óvart m.v. fyrirfram styrkleika:
1.-2. verðlaun: Ljósmyndabókin frá Sögum útgáfu fyrir 3 liðsmenn!
3. verðlaun: geisladiskur frá 12 tónum fyrir 3 liðsmenn!

- snjallasti liðsstjórinn:
1.-3. verðlaun: Ljósmyndabókin Hús eru aldrei ein eða Eyjafjallajökull frá Uppheimum.

- Flottasti liðsbúningurinn: Ljósmyndabókin frá Sögum útgáfu fyrir 3 liðsmenn!

- Einnig Headphones og minnislyklar frá Nýherja og fleira, m.a. útdráttarverðlaun, sem að kynnt verða síðar!

ATH. Verðlaunum kann að fjölga og/eða verða enn veglegri.
ATH. Sami aðili getur ekki unnið til fleiri en einna verðlauna. Ef að slíkt kemur upp þá þarf viðkomandi að velja hvaða vinning hann vill. Sem dæmi ef að 1. verðlaun í mótinu og einstaklingskeppni vinnast, þá þarf að velja á milli GSM símans og flugsins. Flugið fer þá í 2. verðlaun í einstaklingskeppninni. Útfærist annars nánar á skákstað.
 

Fyrirkomulag - Teflt verður í Ráðhúsi Reykjavíkur 9. maí næstkomandi kl. 16:00-19:00. - Hvert fyrirtæki eða félag sendir þriggja manna skáksveit til leiks með allt að þrjá varamenn. Ekki er nauðsynlegt að keppendur séu starfsmenn viðkomandi fyrirtækis, eða meðlimir í viðkomandi félagi.
- Tefldar verða 7 umferðir með 10 mínútna umhugsunartíma.
- Samanlögð stig, sjá: http://chess-results.com/isl/ratings.aspx?lan=0 , sveitar skulu takmarkast við 5.500 stig í hverri umferð. Stigalausir verða reiknaðir með 1.000 skákstig.
- Sigurvegari mótsins er það lið sem að hlýtur flesta vinninga
- Lið eru hvött til að skrá sig sem fyrst
- Veitingar í hléi verða í boði Saffran og Icelandic Glacial.

Skákdeild Fjölnis stendur að mótinu en verkfræðistofan Verkís, sem fagnar 80 ára starfsafmæli í ár, er aðalstyrktaraðili mótsins. Mótið er haldið til fjáröflunar fyrir skákdeild Fjölnis, en Fjölnir er eins og þið vitið mjög framanlega í barna- og unglingastarfi og er með innan sinna raða fjölmarga Íslands- og Norðurlandameistara, ásamt nýbökuðum bronsverðlaunahafa Heimsmeistaramóts áhugamanna, en einnig til að styrkja kaup á vélbúnaði fyrir Héðin Steingrímsson, stigahæsta virka stórmeistara Íslands, sem jafnframt er félagi í Fjölni. Héðinn var m.a. að tefla í þýsku Bundesligunni, sem að nú er nýlokið, sjá: http://www.skak.blog.is/blog/skak/entry/1234493/

Stefnt er að því að gera mótið að árlegum viðburði og endurvekja þá skemmtilegu stofnanakeppni sem var við lýði fram að síðustu aldamótum.
Ef óskað er eftir, þá hjálpum við til við að halda meistaramót fyrirtækis eða félags.

Þátttökugjald hvers fyrirtækis/félags/hóps er 50.000 kr. Tilkynnið þátttöku sem fyrst á [e-mail] og skráið liðið á http://www.firmakeppnin.blog.is/blog/firmakeppnin/

Þar er hægt að auglýsa á þessari Facebook síðu eftir skákmanni með ELO stig, sem að passa við hina liðsmennina. Einnig er hægt að senda okkur tölvupóst og við munum aðstoða við það.

Skákmenn eru einnig hvattir til að auglýsa eftir liði sem að vantar mann með svipuð ELO stig á Facebook síðunni eða senda okkur tölvupóst og lýsa yfir áhuga á þátttöku.

Við hvetjum þig til að hafa frumkvæði í málinu og vekja athygli á keppninni innan þíns fyrirtækis eða félags og vonumst til að eiga skemmtilega upplifun með þér á mótinu!

Með von um jákvæð viðbrögð, stuðning og skemmtilegt samstarf,
Helgi Árnason, formaður skákdeildar Fjölnis, gsm 664-8320
Héðinn Steingrímsson, stórmeistari og Íslandsmeistari í skák

Þátttökutilkynning og fyrirspurnir: [e-mail]